Mizo Section

MCGN is a non-profit, non-denominational Christian organization promoting spiritual renewal and economic development of the people in Mizoram and the surrounding region by serving them as Jesus did. (Mt. 20:28)
"Buh seng tur a tam hle si a, nimahsela, a thawktute an tlem; chutichuan, a buh seng tura thawktu turte tir turin buh Neitupa henah chuan ngen rawh u." (Mt. 9:37-38.)

KRISTMAS LEH KUMTHAR CHIBAI!

December, 2004


Chhungkhat leh Thian duhtakte:
 

Kristmas leh Kumthar chibai kan buk che u. Kumin 2004 chu kan chhungkua-ah thil thar tam tak a awm in kan tul hle a, a tlangpui kan han hrilh che u. Rawngbawlna lamah Pathian hruaina kan hmu zel. Tanpuitu kan neih loh vangin MCGN Newsletter pawh October atangin regular in kan tichhuak thei lo, mahse kan chhunzawm zel ang.

Liana leh Ngeni mission thilah an zinchhuak tam deuh vangin hun leh pawisa lam kan tlachham deuh. Kum tirah Thailand leh India ramah an kohhran tanpuina nen an zin a. Burma erawh chu an tum angin an kal thei ta lo, Pathian remtih hun an nghak. Chuvang chuan Thailand tlang ramah Zothansiami (Tetei) hnenah kar hnih lai an cham ta zawk a. Mizoram-ah kar khat vel an awm a, Saiha thleng an kal. Liana lozirna Indian School of Mines (ISM), Dhanbad-ah lecture pe turin an sawmna-ah an kal a. Chumi hnu chuan Delhi-ah World Congress on Natural Disaster Mitigation-ah thusawina a nei a. Delhi atangin Indian Institute of Technology (IIT), Kanpore-ah an sawmna angin Liana’n lecture a pe a. Chuta tang chuan Delhi chhunpelin USA lamah Febuary tawp lamah an haw leh ta a ni.

In thlen ve leh Thawhtan zanah Liana’n Missions class lain Reno, Nevada-ah May tawp thleng an kal leh a. Mission Sunday Sikul class a zirtir reng bawk a. August tir-a Vancouver, Canada-a 13th World Conference on Earthquake Engineering-ah Liana’n a thilziak entir tura sawm a nih vangin an kal leh a. Hetih lai tak hian Vancouver vel-a Punjabi kohhran hotute’n Missions khawmpui an koh, South Asian Global Convention ah an va tel ve bawk a, India mite’n hetianga hmala an hmuh chuan a ti phur hle. Kan awmna leh chhehvel tan Perspectives on World Christian Movement class nei ve turin Liana, Pi Joyce Burril leh mi tlemin an thawk leh a. Tunah engkim peih felin Jan. 2005 ah kan kohhran-a awm turin thusawitu missionary 15 te sawm an ni a, class an tan ang.

September thla tir khan Liana’n Switzerland atangin November thla tira thusawi (lecturer) leh hruaitu (keynote) tura sawmna duhawm tak a hmuh vangin a in buatsaih leh a. Hei hi India leh Canada-a meeting te ang kha a ni lova, Europe leh USA a mithiam thlan bikte tan special tak siam a ni. Pathian zara beisei aia thain a va tih theih bakah, Internatioanal Protestant Church of Zurich leh India Association of Zurich hnenah hun tha tak an pe bawk a. A lo hawn hnu lawk hian International Journal of Engineering Geology a, an Editor of Seismology atan an rawn sawm nghal a. Editor hna atan hlawh pe ve lo mahse, mi nazawng chan phak loh thiamna lamah international level-a influence theitu a nih dawn vangin kan lawm.

Meeting bakah, India mithiam/hotute’n Ganges luipui-a rail leihlawn an siam tur report chu lirnghing chungchangah an review tir a. Tin, ram dang hlatak atanga USA missile (bomb) an rawn kah lo inven himna tur an siamte lirnghinga a him tur report chu, milian pakhatin a endik tir leh a. Tichuan, kumtluanin meeting lian leh thil pawimawh-ah a tul ta a, 2004 chu Liana tan chuan special tak a ni.

Lisa Medical college admission la hmu lo mahse, nakkum chuan a hmuh ngei kan beisei; tunlai hian a interview mek. Hna part-time a thawk a, kan thian nu business tanpui ngai a pui a, kan bul High school zirlai thenkhat Mathametics leh Biology a zirtir bawk.

Tima chu ski (vur lama in fiamna) dawr a lei a. Dawr neitu hmasa hian Tima a duhin titheia a rin vangin a lo sawi hmuh a ni. Tima chu outdoor lamah hian a tui a, nipui laiin a thianpa bicycle dawrah a thawk bawk. Ski dawr a neih hnu lawk chuan TV-ah ski expert a nih an interview a, kan chhungkua-in kan hmu kham lo hle! College zo mai tur chu a chawlhsan phawt a tul a, nakkum lamah zawh a tum.

Ngeni chu a chhungte hnathawk an buai vangin inah thil engkim enkawlin a tul nileng thin. Lisa hman loh laiin an thiannu business a tanpui a. A hman changin hmeichhe Bible class-ah a kal a. Jail ministry a la chhunzawm zel bawk. Tin, upa tar ho awmkhawmna in-ah a thiannu pakhat nen mi khawharte an tlawh bawk thin. MCGN leh kan ministry lam reng reng a thlarau leh ngaihtuahna hmang nasa ber a ni. Lalpa malsawmna kan dawng nasa in kan lawm em em a ni.

Damtakin,
Liana, Ngeni, Lisa, Tim Mualchin
Christmas 2004

Ideas, advice and comments are always welcome